GORUR XALIKNI CİÑEP BULMIY

Çeçen xalqın 1944 elnıñ 23 fevralendä tugan cirlärennän törle respubliqalarga, ölkälärgä cibärüne üz küze belän kürgän millätäşem Gıylman babay belän söyläştem. “Min armiyadä yök maşinası yörtüçe bulıp xezmät ittem. Härber çeçen awılın bik qısqa waqıt eçendä korallangan soldatlar çornap aldılar. Ber genä çeçennı da awıldan çıgarmadılar. Gailägä 30 kilogramm aşamlıq häm öslärenä kigän kiemnärne genä alırga röxsät ittelär. Berniçä kön eçendä bez alarnı timer iul stantsiyasenä taşıdıq. Barısı da xatın-qızlar, bala-çagalar, ölkän yaştägelär ide, çönki taza-sau irlär sugışta ide. Towar wagonnarınıñ tışqı yagına Qazaxstan, Vorkuta, Üzbäkstan häm Seber ölkäläreneñ isemnäre yazılgan ide”, – dide ul.

Kızganıç, älege faciga tagın qabatlana. Xäzer Mäskäü radio-televideniese Çeçen Respubliqası İçkeriyadä bargan sugış turındagı mäglümatlarnı bik siräk birä. Yarıy äle “Azatlıq” gazetası häm “Azatlıq” radiosı Çeçen respubliqasındagı xällärne eş bastıralar häm tapşıralar.

2000 eldan başlap V.Putin qayda gına bulsa da: “Çeçen banditların iuq itü plan buença bara”, — dip belderä. İçkeriyadä cimerelgän, taş öemenä äylängän yortlarnı, ertqıç tabigatle urıs armiyaseneñ çeçen awılların bertuqtausız bombaga totuın kürep yöräk ärni.

Tarixi säxifälärdän bilgele bulgança, qawqaznıñ danlıqlı batırı imam Şamilgä qarşı 30 el däwamında sugış alıp barıla. Räsäy soldatları 300 meñnän artıq bula, alar belän patşa generalı Ermolov citäkçelek itä. Ermolovqa Groznıy şähärendä 1949 elda häykäl kuyalar. Anı çäneçkele timerçıbıq belän äyländerep alalar da, elektr togı cibärälär. Häykälne çäneçkele timerçıbıq eçendä saqlaunıñ dönyada başqa oçragı iuq.

Çeçen xalqı Ermolovnıñ qara eşlären onıtmadı, xäzer ul häykäl iuq inde. Azatlıq öçen köräşkä kütärelgäç, 1990 elda, häykälne Sunca elgasına taşladılar. Çeçen xalqı gorur. İçkeriyadäge sugış ozaq ellar däwam itäçäk äle dip uylıym.