BÖTENDÖNYa TATAR KONGRESSI BAŞKARMA KOMİTETINA — TÄKDİMNÄR HÄM TELÄKLÄR

(Biş ellıq eş planına kertü öçen)

1. MİLLİ UNİVERSİTET AÇTIRUGA İREŞERGÄ. (Yagni, Tatarstan däülät biudjetınnan finanslana torgan Tatar universitetın açtıruda töp initsiatiwanı Tatar kongressı üz östenä alırga tieş. Tatar kongressı citäkçnlege universitet belän idarä itüne üz kulına alırga tieş.)

2. MİLLÄT EŞLÄRE BUENÇA MİNİSTRLIK BULDIRIRGA. (Yagni, millät eşlären kongress kebek ictimagıy oeşmalar gına tügel, Tatarstan xökümäte dä başqarırga tieş. Ministrlıq bulsa, aña biudjettan finanslau da bulaçaq, bu isä millät eşlären däülät aqçasına, yagni, xalıqnıñ üzennän cıelgan salım aqçalarına başqaru, digän süz. Tatar kongressı, milli oeşmalar ideya, täkdimnär birüçe bulaçaq, ä ul täkdimnärne tormışqa aşıru Millät eşläre ministrlıgı östendä bulırga tieş. Tatar kongressı citäkçese beriulı şuşı ministrlıqnı da citäkli ala, monda zaqon bozu iuq.)

3. TATAR XALKIN, TATARLARNI YAKLAU BUENÇA XALIKARA KOMİTET BULDIRIRGA. (Bu komitet tatarlarga qarata bulgan böten xoquq bozu faqtların terkäp, sud iulları, xäbärdarlıq aşa xalıqqa yardäm itärgä tieşle. Xalıqara xoquq komitetınıñ räsmi räveştä terkälgän üzäge Qazanda bulıp, anıñ sostawına çit illärdä yaşäüçe tatar iuristların, xoquq yaqlauçılarnı, säyasätçelärne dä kertergä kiräk bulaçaq.)

4. ROSSİYa KÜLÄMENDÄ GOMUMFEDERAL PARTİYA BULDIRIRGA. (Bu partiya törki-tatar partiyase dip tä, başqaça da atalırga mömkin. Läkin anıñ üzäge KAZANDA bulırga häm ul partiyaneñ citäkçelege t a t a r l a r kulında bulırga tieş. Partiyaneñ töp maqsatı - cirle saylaulardan başlap, Rossiya saylaularına xätle qatnaşıp, xaqimiyatkä tatarlarnı kertü, tatarlarnı kiterü. Federal partiya tözü bik mäşäqatle eş, monıñ öçen urınnarda oeşmalar bulu kiräk, ä tatar kongressınıñ andıy struqturası bar. Dimäk, şuşı 5 el eçendä Tatar kongressı bu eşne başqarıp çıga ala.)

5. ROSSİYA KÜLÄMENDÄ FEDERAL TATAR TELEVİDENİESE HÄM RADİOSI BULDIRIRGA, alarnı Rossiya biudjetınnan finanslauga ireşergä.

6. RUXİ MİRASNI BARLARGA. (Yagni, Rossiyaneñ häm başqa däülätlärneñ muzey häm arxivlarınnan tatar tarixına qagılışlı materiallarnı barlarga, alarnıñ isemlegen alırga, mömkin bulgannarın, satıp alıp bulsa da, KAZANGA qaytaruga ireşergä. Tatar kongressı aşa tatar galimnären şuşı eşkä cälep itärgä. Tatar tarixın döres yaqtırtqan, millät öçen küp häm fidaqar eşlägän tatar galimnärenä Tatar kongressınıñ maxsus ellıq bülägen buldırırga, anı zurlap millät aldında tapşırunı praqtiqaga kertergä.)

7. ÇİTTÄ YAŞÄÜÇE TATARLAR ÖÇEN TATARSTANNIÑ İUGARI UKU YORTLARINDA MAXSUS KVOTALAR BULDIRIRGA. (Yagni, çittä yaşäüçe tatar töbäkläre öçen milli häm dini qadrlarnı, maqsatçan räveştä, zur kvota-urınnar birep, küpläp Tatarstanda äzerli başlarga.)

8. TATARSTANNAN ÇİTTÄ TATAR MÄKTÄPLÄRE AÇTIRUNI BÖTEN KİSKENLEGE BELÄN KUYARGA, ul mäktäplärne Rossiya biudjetınnan finanslauga ireşergä.

9. MÄKTÄPLÄRDÄ UKITILA TORGAN ÄDÄBİYAT HÄM TARİX DÄRESLEKLÄREN YAÑADAN KARAP ÇIGARGA. (Yagni, Tatarstan mäktäplärenä, bigräk tä, tatar mäktäplärenä, tatar milläten mısqıllıy torgan däresleklärne kert-mäskä, alar buença uqıtmasqa, boykot iglan itärgä, sudqa birergä. Tatar ädäbiyatı däresleklärenä milli üzañnı tärbiyali torgan patriotik ruxlı äsärlärne kertergä, kongressnıñ mägarif komitetına şuşı iunäleştä maqsatçan eş alıp barırga. Tatar mäktäpläreneñ töp burıçı - imanlı, milli ruxlı köräşçelär äzerläü bulırga tieş.)

10. TATAR MÄKTÄPLÄRENDÄ DİN DÄRESLÄRE, İSLAM DİNE NİGEZLÄREN UKITA BAŞLARGA. (Här tatar balası mäktäptän dönyanı ALLAH barlıqqa kiterüen belep çıgarga tieş. Monıñ öçen uqıtuçılarnıñ üzläreneñ dä imanlı, äzerlekle buluları kiräk. Tatar kongressına, Tatarstan Diniya näzariyate belän berlektä, tatar uqıtuçıları öçen islam kursları oeştırunı praqtiqaga kertergä kiräk. Şul uq waqıtta çittä yaşäüçe tatar balaları öçen cäyge aylarda islam lagerları oeştırunı da praqtiqaga kertergä kiräk. Bu lagerlarda, islam nigeze belän bergä, balalarga tatar tarixı häm ädäbiyatı däreslären dä birergä, alarda dini häm milli rux, milli däülätçelek xisläre tärbiyaläügä ireşergä kiräk.)

11. TATAR SÄNGATE TATAR KEŞESENDÄ MİLLİ RUX, MİLLİ GORURLIK HÄM İSLAM ÄXLAGI TÄRBİYALÄRGÄ TİEŞ. (Tatar säxnäsendä tatardan, üz-üzeñnän kölü küpkä kitte, bu milli marazmnı tuqtatırga kiräk. Tatarnıñ böek tarixı, il totqan asıl irläre, xannarı, däülätläre xaqında köçle äsärlär kuelırga tieşle. Bu eşne stimullaştıru öçen, Tatar kongressı tarixi säxnä äsärlärenä, millätneñ ruxın kütärerlek ädäbi äsärlärgä konkurs iglan itä ala.)

12. TATAR KONGRESSI EÇKEÇELEKKÄ KARŞI KİSKEN KÖRÄŞ BAŞLARGA TİEŞ. (Kızganıç, monı däülät eşli almadı, ämma milli kongress eşlärgä tieş, iuqsa, millät eçep iuqqa çıgaçaq. Tatar kongressı radio häm televideniyadä, matbugat bitlärendä bargan araqı, pivo, xämer, tämäke reklamasına qarşı märäcägat belän çıgarga tieş. Tatar kongressınıñ üz çaraları da xämersez ütärgä tieş, yagni, araqıga qarşı köräşne härkem üzennän başlarga tieş, şul isäptän, kongress ägzaları da.)

13. TATAR KONGRESSI NARKOMANİYAGÄ KARŞI KÖRÄŞNEÑ BAŞINDA BULIRGA TİEŞ. Bu eşne din ähelläre, tabiblar belän bergä, kiñäşep eşlärgä kiräk. Bügenge köndä xätta tatar awıllarına da narkomaniya, SPİD ütep kerde. Keşelek cämägatçelegeneñ narkomaniyagä qarşı köräş çaraların öyrängän xäldä, tatar xalqınıñ milli üzençäleklären istä totıp, bu axırzaman afätenä qarşı nıqlı imannı häm milli üzañnı kuyarga kiräk bulaçaq.)

14. TATAR KONGRESSI MİLLÄTTÄ GAİLÄ KULTI TÄRBİYALÄÜDÄ YARDÄM İTÄRGÄ TİEŞ. (Yagni, Tatar kongressı isemennän küp balalı tatar gailälärenä maxsus büläklär buldırırga, alarga buşlay toraq, buşlay uqu kebek qızıqsındıru çaraları belän yardäm itärgä, matbugatta yaxşı gailä ürnäklären propagandalarga. Tatar gailäse işle, imanlı, xälle bulırga tieş. NIK TATAR GAİLÄSE - KÖÇLE TATAR MİLLÄTENEÑ NİGEZE. Bu - bezneñ deviz bulırga tieş.)

15. TATAR KONGRESSI ÜZ GAZETASIN, FÄNNİ-İCTİMAGIY JURNALIN, RADİO HÄM TELEVİDENİEDÄ ÜZ TAPŞIRULARIN BULDIRIRGA TİEŞ, milli häm dini propaganda, nigezdä, şular aşa alıp barılırga tieşle.

16. ROSSİYANEÑ BÖTEN TÖBÄKLÄRENDÄ TATAR BAYLARI KÜPLÄP CİRLÄR SATIP ALA BAŞLARGA TİEŞLÄR. Bigräk tä, tarixi tatar cirlärendä - Başkortstanda, Irınbur, Çiläbe, Sember, Saratov, Samara ölkälärendä, İdel-Ural buylarında häm Seberdä. Cire barnıñ - ile bar, inşallah, qayçan da bulsa bu tatar ile tagı tatarlar kulında bulaçaq! Bu satıp algan cirlärgä küçärgä telägän tatarlarnı, tatar qaçaqların urnaştırırga bula. Tatar kongressı bu migratsiya säyasäten, küçenü protsessın üz kulında totarga tieş. Şul uq waqıtta Tatarstan kürşesendäge tatar rayonnarın Tatarstanga kuşu säyasäten dä alıp barırga kiräk. Bu initsiatiwa cirle xalıqlarnıñ üzlärennän çıgarga tieş, ämma protsess Tatar kongressı tarafınnan idarä itelergä tieşle.

17. MİLLÄTNE KAZAN KALASI TİRÄSENDÄ TUPLAU. (Yagni, Federal üzäk Tatarstan Respubliqasın iuqqa çıgargan oçraqta, böten köçne KAZAN qalası tiräsendä tuplarga kiräk bulaçaq. Rossiya nindi genä ştat häm oqruglarga bülensä dä, ul büleneşlärneñ ber üzäge KAZAN buluga ireşergä kiräk.)

18. TATAR KONGRESSI KARŞINDA ANALİTİK ÜZÄK BULDIRIRGA. Dönyada bulgan häm bulırga torgan här törle üzgäreşlärgä Tatar kongressınıñ üzeneñ cawabı häm millät öçen faydalı wariantları äzer bulırga tieş. Ştatqa tatar galimnären, säyasätçelärne, yazuçılarnı alırga kiräk, härberse üz iunäleşendä eşläsen häm mäglümat tuplasın.

19. TATAR KONGRESSI MİLLİ KADRLAR MÄSÄLÄSEN ÜZ KULINDA, ÜZ KÜZÄTÜENDÄ TOTARGA TİEŞ. (Yagni, Tatarstanda Prezidenttan başlap, millät yazmışı xäl itelä torgan böten urınnarda da tatarlar bulırga tieş. Tatarstan citäkçelege qadrlar mäsäläsen xäl itkändä, Tatar kongressınıñ fikere belän dä isäpläşergä tieş. Tatar kongressı millätneñ aqıl iyalären Qazanga, Tatarstanga tuplauda yardäm itärgä tieş. Tatar keşese qayda gına yaşäsä dä, ul, iñ berençe çiratta, TATAR İDEOLOGİYaSENÄ, TATAR MİLLÄTENÄ xezmät itärgä tieşle.)

20. TATAR KONGRESSI BÖTEN KÖÇEN TATARSTANNI, TATAR MİLLÄTEN KÖÇÄYTÜGÄ BİRERGÄ TİEŞ. Tatar milläteneñ kiläçäge - Tatarstanda. Şuña kürä Tatarstanda tatarlar sanı kimendä 60-70 protsent bulırga tieş. Moña küçep qaytqan tatarlar häm işle gailälär xisabına ireşergä bula. Tatarstanda här tatar eşle häm aşlı bulırga tieş, tatarlar ber-berlärenä qarata räxim-şäfqatle bulganda, moña ireşergä bula. ‰ır-biiulärne, küñel açu häm bäyrämçelekne artqaraq planga küçerep, millät tormışında algı urınga İMAN häm AKIL çıgarga tieş. Här tatar öçen iugarı uqu yortları açıq bulırga tieş, här tatar öçen üz ilendä möselman bulıp yaşärgä şartlar tudırılırga tieş. Tatar milläte, ALLAH kuşqança, aek, xäläl tormış belän möselman bulıp yaşi başlıy ikän, ul isän qalaçaq, tarixta üzeneñ laeklı urının alaçaq. Tatar kongressı, tatar zıyalıları, millätne şuşı imanlı iulga alıp çıgu öçen böten köçlären kuyarga tieşlär.