MÄKER TARAFDARLARI YaKİ ÄXLÄKSIZLIK ADVOKATLARI...

Uzgan sanda bez “Elan ikänen belmädem…” digän mäqalä bastırgan idek. Kötmägändä, ul uquçılar arasında zur rezonans aldı. Kızganıçqa qarşı, anda tasvirlangan situatsiyane yaqlauçılar da iuq tügel ikän.

Ägär andıy xälne gadäti dip sanauçılar bar ikän, dimäk bezneñ cämgıyat bozıq.

Redaqtsiyagä kilgän xatlarda uquçılarıbıznıñ situatsiyagä qaraşların bez sezgä citkerergä buldıq.

“Azatlıqgıñ” bıelgı sentyabrneñ 9 nçı sanında “Elan ikänen belmädem...” digän bik gıybrätle ber yazma bastırılgan ide. Avtor kiñ küñelle, eçkersez keşe bularaq küpmeder waqıt käbaxät belän dustanä mönä-säbättä bulgan, ä tegese xatın-qızlarnı azdıruga xirıs zat bulıp çıqqan. Mondıylar turında min utız el elegräk urıs telendä zur mäqalä uqıgan idem. Menä şundıy azgın ir-at üz gomerendä 600 gä yaqın gailä taratırga mömkin ikän.

Keşeneñ sineñ belän aralaşqanda nindi uylar belän yörgänen aldan belep bulmıy. Äxlagı normal keşeneñ tormazları bula. Şuña kürä ul üzenä dus bulıp yörgännärdän dä äşäkelek kötmi.

Minem ber mäktäp dustım bar ide — märxümneñ urını ocmaxta bulsın. Bez ber-berebezgä çiksez ışana idek. Gailälärebez bulgaç ta gel aralaşıp yardämläşep yaşädek. Döresen äytkändä, anar-dan da yaqın keşem iuq ide diyargä bula. Menä şul zat bezgä berär yomış, yaisä küreşü teläge belän bezneñ öygä kilgändä min öydä bulmasam busaganı atlap öygä kermi kitä torgan ide.

Allahı Tägalä xatın qıznıñ da ir-atnıñ da sıyfatlarınnan berse itep xis-toygılarnı birgän. Ämma Ul şul uq waqıtta hämmäbezgä dä zinadan saqlanu öçen tärtip qagıydälären dä birgän.

Üzeñä telämägänne bütännärgä qarata qılma digän gıybaräne Gaysä päygämbär äytkän dilär.

İslam illärendä zinaçılarnı şärigat mäxqamäse qararı nigezendä taşlar belän atıp üterälär ikän. Ä bez dinsezlär häm imansızlar däülätendä yaşägän mondıy çaranı kullana almıybız. Ä bu xaqta yazarga kiräk. Üz azgınlıgı säbäple gailälär cimerep yörgän keşelärne cämägatçelek belep torsın. Ämma bu mäsälädä cawaplıq barıber ir-at östendä.