ÄMİLLİ SOSTAVNI HAMAN YŞERÄLÄR.

1 oqtyabr könne Başkortstan prezidentı uzgan elgı xalıq isäben alu waqıtında tırışıp eşlägän keşelärgä büläklär tapşırdı. Rossiya prezidentı färmanı belän uzgan elda " Betenrusiya xalıq isäben aludagı xezmätläre öçen" dip isemlängän medal buldırılgan ide. Mortaza Reximov respubliqanıñ törle töbäklärennän kilgän 90 keşegä şul medalne tapşırdı. Respubliqada xalıq isäben aluda comgıse 17 meñ keşe eşlägän ide. Şularnıñ 2 meñ yarımı şuşı medal belän büläklänäçäk ikän. Qalgan büläklänüçelärgä medallärne prezident başqa waqıtta tapşıraçaq. Respubliqadagı xalıq isäben aluda qatnaşqan tagın 8 meñ keşe kükräkkä tagıla torgan "Bötenrusiya xalıq isäben aludagı xezmätläre öçen" digän bilge belän büläklänäçäk dip äytelde bu tantana barışında.

Başkortstan xaqimiyatläre xalıq isäben alu näticäläre awgust aenda uq bäyan iteläçäk dip vägdä itkän ide, ämma alar süzlärendä tormadı. Respubliqa tatarların aeruça xalıqnıñ milli sostawı turındagı mäglümatlar qızıqsındıra. Ämma ul mäglümatlarnı cämägatçelekkä Başkortstan prezidentı saylaular ütkäç kenä çıgaraçaqlar ikän digän süzlär do yöri xäzer. Çınlap ta başkortlar respubliqada ikençe urınga çıqtımı ikän, digän sorau küp millättäşlärebezne borçıy.